Unai Emery raportohet të ketë në dispozicion gjashtë ndeshje për të ndryshuar fatin e tij në Arsenal pas thirrjeve për shkarkimin e spanjollit.

Trajneri i “Topçinjve” ka fituar me skuadrën e tij vetëm një nga gjashtë ndeshjet e fundit ndërkohë që është mposhtur me rezultat 2 me 0 të shtunën ndaj Leicester Cityt duke përfunduar në pozitën e gjashtë në tabelë, transmeton portali arbresh.info.

Bazuar në Evening Standard, anëtarët e hierarkisë së Arseanlit i kanë dhënë mundësinë trajnerit Emery për t’iu shmangur shkarkimit në gjashtë ndeshjet e ardhshme në rast se kthen rezultat.

Klubi londinez ka njoftuar në fillim të javës se është plotësisht prapa trajnerit Emery, i cili ka qenë në klub që nga vera e vitit 2018.

Southampton, Eintracht Frankfurt, Norwich City, Brighton & Hove Albion, West Ham United dhe Standard Liege janë gjashtë rivalët e ardhshëm të Arsenalit./arbresh.info/